![Image](https://blogger.googleusercontent.com/img/b/R29vZ2xl/AVvXsEjgXIelX2UOvyCH2IAOWygjBjH_3_DvIG83JXfKcE_98fYQfxKDm34sVU3__l5jaJsHr3FBFhNyuESQ-1p9p9COwv4zQDAX9VpTFfQpUBNPU9ywXxByKSKc7zYB7sYGuxlvz6Ts82RbwuWN5kXhV_z9_4pVJA6AmiAuJxk2IwZWsqJu8unhGoopiR72/w640-h366/Untitled-2.jpg)
Fulham បន្ដត្រួតត្រានៅលីគទី២អង់គ្លេស ដោយបន្ដការទទួលបានជ័យជម្នះនិងឈរនៅកំពូលតារាង Championship ដោយមានគម្លាតនាំមុខ៥ពិន្ទុ ក្រោយយកឈ្នះ Birmingham City ៦-២ នៅកីឡដ្ឋាន Craven Cottage។
គ្រាប់បាល់ទាំង៦គ្រាប់របស់ Fulham ក្នុងប្រកួតនេះបានពីការធ្វើឱ្យបាល់ចូលទីខ្លួនឯងរបស់ខ្សែការពារក្រុម Birmingham កីឡាករ Marc Roberts ការរកគ្រាប់បាល់បញ្ចូលទីដោយ Fabio Carvalho ពីរគ្រាប់ រួមជាមួយគ្រាប់បាល់របស់ Neeskens Kebano, Tom Cairney និង Antonee Robinson ខណៈ Birmingham រកបានពីរគ្រាប់ដោយ Ivan Sunjic និង Gary Gardner។
សម្រាប់ពីរប្រកួតកន្លងមក Fulham យកឈ្នះគូប្រកួតច្រើនៗគ្រាប់ដោយបំបាក់ Bristol City ៦-២ កាលពីថ្ងៃអាទិត្យ និងបានយកឈ្នះ Reading ៧-០ ធ្វើឱ្យពួកគេក្លាយជាក្រុមអង់គ្លេសដំបូងដែល មានលទ្ធភាពរកគ្រាប់បាល់យ៉ាងតិច៦គ្រាប់ក្នុងមួយប្រកួត ៣លើកជាប់គ្នា ជាកំណត់ត្រាចាស់ធ្វើបានដោយ Chester City ក្នុងរដូវកាល ១៩៣៣-៣៤។
គ្រាប់បាល់ចុងក្រោយរបស់ Fulham ក្នុងការប្រកួតនៅនាទី៩០+៣ កាលពីថ្ងៃអង្គារនេះជាគ្រាប់បាល់ទី៧០របស់ពួកគេពីការលេង២៦ប្រកួតក្នុងក្របខណ្ឌ Championship រដូវកាលនេះ។
អ្នកចាត់ការ Marco Silva បានថ្លែងប្រាប់ BBC Radio ថាក្រុមរបស់លោកមានការប្រឹងប្រែងខ្លាំង ដោយពួកគេយល់ពីរបៀបបង្កការលំបាកដល់គូប្រកួត ហើយពួកគេបង្ហាញពីគុណភាពដែលមានទាំងអស់នៅលើទីលាន។
ព័ត៌មានកីឡាបាល់ទាត់ថ្មីៗ